音頻 0007 粵語
大家好，歡迎嚟到加拿大五台山。呢度係靈泉湖。
靈泉湖嘅湖水波光粼粼，伴隨住五台山嘅春夏秋冬，好似一幅靚嘅畫卷，映照住五台山清淨嘅道場。但係最早嘅時候，呢度係冇湖水嘅。而且唔單止冇湖水，呢度原本係一片沼澤嚟㗎。咁，呢片沼澤係點樣變成而家咁靚嘅靈泉湖呢？
講番當年籌建五台山嘅時候，性空長老希望五台山有山有水, 至為殊勝，所以達義大和尚就特別想挖一個蓮花池嚟完成長老嘅心願。冇幾耐，達義大和尚定好方位之後，就請人開工挖掘。冬天某日嘅朝早，一個名叫Peter嘅意大利工人喺施工現場，開住大型挖掘機去指定地點嘅途中，突然聽到好清晰嘅英文「Stop」！Peter覺得好奇怪，荒山野嶺得佢一個喺度開工，點會有人叫停呢？
Peter落車一睇，嚇咗一大跳——原來鏟車前面就係一片泥濘嘅沼澤地。如果頭先冇聽到「Stop」嗰聲叫喊，鏟車就會陷入沼澤裡面。當時四周冇人，一旦陷落去，後果真係不堪設想。Peter急忙開鏟車向後退，先至避過一劫。等佢定過神之後，再開挖掘機對住沼澤挖落去，點知即刻有一股泉水湧出嚟——原來鏟車剛好挖中咗泉眼！
消息好快傳到去多倫多。性空長老同達義大和尚知道之後十分歡喜, 即刻趕過嚟. 性空長老就將呢度命名為「靈泉湖」。之後個湖越挖越大，由100米到400米，最後挖到600米，就成為而家碧波盪漾嘅靈泉湖。
而家成個靈泉湖大約長600米，闊70米，水深大概6-7米，湖裡面有魚同水獺。為咗多謝菩薩出聲救人，達義大和尚發願，喺靈泉湖邊起四大菩薩聖像，等大家嚟朝拜同紀念，於是就有咗今日靈泉湖畔嘅四大菩薩廣場。
靈泉湖位於大雄寶殿東側。如果你登上大雄寶殿眺望，就會見到好靚嘅靈泉湖靜靜噉坐落喺加拿大五台山嘅懷抱，好似一塊碧綠嘅翡翠，玲瓏剔透，鑲喺呢塊靈氣十足、佛光普照嘅寶地。誠意邀請大家於唔同季節都嚟參觀欣賞。
大家好，歡迎嚟到加拿大五台山。呢度係靈泉湖。
靈泉湖嘅湖水波光粼粼，伴隨住五台山嘅春夏秋冬，好似一幅靚嘅畫卷，映照住五台山清淨嘅道場。但係最早嘅時候，呢度係冇湖水嘅。而且唔單止冇湖水，呢度原本係一片沼澤嚟㗎。咁，呢片沼澤係點樣變成而家咁靚嘅靈泉湖呢？
講番當年籌建五台山嘅時候，性空長老希望五台山有山有水, 至為殊勝，所以達義大和尚就特別想挖一個蓮花池嚟完成長老嘅心願。冇幾耐，達義大和尚定好方位之後，就請人開工挖掘。冬天某日嘅朝早，一個名叫Peter嘅意大利工人喺施工現場，開住大型挖掘機去指定地點嘅途中，突然聽到好清晰嘅英文「Stop」！Peter覺得好奇怪，荒山野嶺得佢一個喺度開工，點會有人叫停呢？
Peter落車一睇，嚇咗一大跳——原來鏟車前面就係一片泥濘嘅沼澤地。如果頭先冇聽到「Stop」嗰聲叫喊，鏟車就會陷入沼澤裡面。當時四周冇人，一旦陷落去，後果真係不堪設想。Peter急忙開鏟車向後退，先至避過一劫。等佢定過神之後，再開挖掘機對住沼澤挖落去，點知即刻有一股泉水湧出嚟——原來鏟車剛好挖中咗泉眼！
消息好快傳到去多倫多。性空長老同達義大和尚知道之後十分歡喜, 即刻趕過嚟. 性空長老就將呢度命名為「靈泉湖」。之後個湖越挖越大，由100米到400米，最後挖到600米，就成為而家碧波盪漾嘅靈泉湖。
而家成個靈泉湖大約長600米，闊70米，水深大概6-7米，湖裡面有魚同水獺。為咗多謝菩薩出聲救人，達義大和尚發願，喺靈泉湖邊起四大菩薩聖像，等大家嚟朝拜同紀念，於是就有咗今日靈泉湖畔嘅四大菩薩廣場。
靈泉湖位於大雄寶殿東側。如果你登上大雄寶殿眺望，就會見到好靚嘅靈泉湖靜靜噉坐落喺加拿大五台山嘅懷抱，好似一塊碧綠嘅翡翠，玲瓏剔透，鑲喺呢塊靈氣十足、佛光普照嘅寶地。誠意邀請大家於唔同季節都嚟參觀欣賞。